Mendirman Jaloliddin serialining taqdimoti bo‘lib o‘tdi

Турон қоплони, мардлиги билан Чингизхонни лол қолдирган саркарда Жалолиддин Мангуберди ҳаётидан сўзловчи “Мендирман Жалолиддин” янги кўп қисмли тарихий бадиий фильмнинг илк тақдимот маросими бўлиб ўтмоқда.

Умид қиламизки, ушбу лойиҳа буюк аждодларимиз ҳақида бутун дунё севиб томоша қиладиган фильмларнинг илк дебочаси бўлади.

Тақдимотда лойиҳа раҳбари Массмедиа фонди Васийлик кенгаши раиси ўринбосари Саида Мирзиёева ҳамда ғоя муаллифи Маданият вазири Озодбек Назарбековлар фильмнинг яралиш тарихи ва жараёнлари ҳақида сўзлаб берди.

Сериални тарихий фильмлар ишлаш борасида катта тажрибага эга Туркиянинг “Тирилиш-Эртуғрул” ва “Қурилиш-Усмон” каби сериаллари билан машҳур “Bozdag film” компанияси суратга олмоқда.

Сериалнинг 1-фасли 13 қисмдан иборат, премьера 2021 йилнинг январь ойига режалаштирилган.

👉 @xushnudbek 👈