Маънавият ва маърифат марказига прописка ҳуқуқи берилди

Пропискага оид мантиқсизликлар яна давом эттирилиб, куни-кеча Республика Маънавият ва маърифат маркази ҳам ходимларига прописка бериш ҳуқуқига эга давлат органлари сафига киритилди.

Ваҳоланки Маънавият ва маърифат маркази ҳеч қандай давлат ташкилоти эмас, унинг ҳуқуқий шакли – нодавлат-нотижорат ташкилоти.

Ҳукумат қачондир ушбу мантиқсизликларга чек қўйиб, ҳам ходимлар, ҳам ташкилотлар орасидаги дискриминацияни бартараф этармикин, ёки ҳеч нарса бўлмагандай жимгина юраверармикин...

Вазирлар Маҳкамасидан топшириқ хатлари чиқариш керак бўлса, номенклатура бўйича 140 га яқин ташкилотга (агар кўпаймаган бўлса) оммавий хат чиқиб кетади (рассылка). Қизиқ, топшириқ беришга келганда ҳамма керакли ташкилотга айланадию, лекин пропискага келганда “сен оппоқ, сен қора” дейиладими?

Мантиқ қани, ўртоқлар, мантиқ? Номи ўчсин, шу пропискани!

👉 @xushnudbek 👈