Kun.uz мухбирининг Президентга йўллаган дил сўзлари

​​Вақти келганда уч фарзандимнинг қай бирига қандай гапиришни, қай ўринда танбеҳ, қай ҳолатда рағбат беришни, қачон юмшоқ, қачон қаттиқ гапиришни билмай қоламан. Аксар ҳолларда эса буларни ўйлашга вақтим ҳам йўқ, афсус. Чунки ишимдан ҳеч ортмайман. Ишламасам гўёки дунё тўхтаб қоладигандек (албатта, қалбимдан тўхтаб қолмаслигини билсам ҳам).

Жаноб президент! Сизни мақтаб, осмонлар-у кўкларга кўтармайман, ҳатто сайтимизда кўпчилик отахон журналистлар эътирозига эътибор қаратмасдан, «президент» сўзини кўпинча кичик ҳарфда ёзамиз. Чунки дунёнинг барча давлатлари президентлари лавозимини кичик ҳарфда ёзамиз ва ҳеч кимни ажратмаймиз.

Шу суратларингизни кўриб чиндан сизга ачиндим. Чин дилдан раҳмим келди. Уйда болам иситмаласа, кўзимга ҳеч нарса кўринмайди. Шу кунларда сизнинг қалбингиздан нималар ўтяпти, билмайман. Бу кўргуликларни қандай кўтаряпсиз, бехабарман. Лекин бир нарсани аниқ биламан — Аллоҳ бандасига фақат улар кўтара оладиган синовларни юборади.

Постим аввал ўйлаганимдан бошқача чиқди. Ўзи, суратингизни қўйиб, мен қалбан сиз билан бирга эканлигимни, сизга елкадош бўлиб, ишонишимни қисқагина билдириб, ҳамма ўйлаган эзгу ниятларингиз амалга ошиб, атрофингизда ҳам ўзингиз истаганингиздек, одамларга фойдасига тегадиган мард, зукко ва халқпарвар ёш амалдорлар кўпроқ бўлишини тилаб пост қилмоқчи эдим, сўзларим жуда чалкашиб кетди.

Рамазон ойи… Кўпроқ дуо қилинг, жаноб президент. Президент халқини кўп-кўп дуо қилиши, халқ эса ўзининг раҳбарини кўп-кўп дуо қилишида албатта хайр бор.

Kun.uz кундалиги