Кимлар педагогик фаолият билан шуғуллана олмаслиги белгиланмоқда

Кимлар педагогик фаолият билан шуғуллана олмаслиги белгиланмоқда

Олий ва ўрта махсус таълим вазирлиги томонидан жамоатчилик муҳокамаси учун эълон қилинган қонун лойиҳасида “Таълим тўғрисида”ги қонунни 44-1-модда билан тўлдириш таклиф этилмоқда.

https://regulation.gov.uz/oz/d/59104

Унга кўра, қуйидагилар таълим ташкилотларида педагог (профессор-ўқитувчи) сифатида фаолият олиб боришини тақиқлаш назарда тутилмоқда:

1️⃣ суд томонидан муомалага лаёқатсиз ёки муомала лаёқати чекланган деб топилган шахслар;

2️⃣ қасддан содир этган жинояти учун судланганлик ҳолати тугалланмаган ёки судланганлиги олиб ташланмаган шахслар;

3️⃣ ҳаётга, соғлиққа қарши жиноятлар, ҳаёт ёки соғлиқ учун хавфли бўлган жиноятлар, жинсий эркинликка, оилага, ёшларга ва ахлоққа қарши, шахснинг озодлигига, шаъни ва қадр-қимматига қарши, фуқароларнинг конституциявий ҳуқуқ ва эркинликларига қарши, тинчликка ва инсониятнинг хавфсизлигига қарши, Ўзбекистон Республикасига қарши жиноятлар, ўзгаларнинг мол-мулкини талон-торож қилиш билан боғлиқ бўлган жиноятлар, жиноий йўл билан топилган мол-мулкни олиш ёки ўтказиш, тижоратда пора эвазига оғдириб олиш ёхуд нодавлат тижорат ташкилотининг ёки бошқа нодавлат ташкилотининг хизматчисини пора эвазига оғдириб олиш, бошқарув тартибига, шунингдек одил судловга қарши жиноятлар, қийноққа солиш ва бошқа шафқатсиз, ғайриинсоний ёки қадр-қимматни камситувчи муомала ҳамда жазо турларини қўллаш, жамоат хавфсизлигига қарши жиноятлар, гиёҳвандлик воситаларининг ёки психотроп моддаларнинг қонунга хилоф муомаласидан иборат жиноятлар, жамоат тартибига қарши жиноятлар ва ҳарбий мансабдорлик жиноятлари содир этганлик учун илгари ҳукм қилинганлар;

4️⃣ психиатрия ёки наркология муассасаларида ҳисобда турган шахслар;

5️⃣ педагоглик (профессор-ўқитувчилик) фаолиятини амалга оширишга тўсқинлик қиладиган касалликка чалинган шахслар.

👆Муҳим жойлари:

➖ иккинчи ва бешинчи хатбошиларида келтириб ўтилган ҳолатлар бартараф этилганда, яъни судланганлик олиб ташланган/тугаган ёки касалликдан тузалган бўлса, яна педагог сифатида ишлашга рухсат берилади;

➖ 1, 3 ва 4-банддагилар умрбод педагогик фаолият билан шуғулллана олмайди;

➖ педагоглик фаолиятини амалга оширишга тўсқинлик қиладиган касалликлар рўйхати Вазирлар Маҳкамаси томонидан тасдиқланади.

Муҳокама 19 апрелга қадар давом этади.

👉 @xushnudbek 👈