Карантиндан қочган шахсга жиноий иш қўзғатилди

Карантиндан қочган шахсга жиноий иш қўзғатилди

Тошкент вилояти ИИББ Паркент тумани ИИБ ходимлари томонидан Самарқанд вилоятида карантинда бўлиб туриб, белгиланган тартиб қоидаларга амал қилмай қочган шахс ушланди.

Жорий йилнинг 19 март куни Россиянинг Самара шаҳридан Ўзбекистонга кириб келган поезд йўловчилари, эпидемик вазиятдан келиб чиқиб, ўрнатилган тартибда, Самарқанд вилоятига ташкил этилган карантин марказларига жойлаштирилган.

Аммо Паркент туманида яшовчи фуқаро белгиланган тартиб қоидаларга амал қилмай карантиндан қочган. Ҳозирда ушбу шахс ўз уйида ушланган ва эҳтиёт чораси сифатида изолацияга олинган.

Шунингдек, ушбу фуқарога нисбатан Жиноят Кодексининг 257-1-моддаси (санитарияга оид қонун ҳужжатларини ёки эпидемияга қарши кураш қоидаларини бузиш) билан жиноят иши қўзғатилган ва ҳозирда тергов ҳаракатлари олиб борилмоқда.

👉 @xushnudbek 👈