Кафе ва ресторанлардан карантин чекловлари олиб ташланади

❗️Кафе-ресторанлардан чекловлар олиб ташланади

2021 йил 10 августдан эътиборан умумий овқатланиш объектлари – ресторан, кафе, ошхона ва чойхоналарнинг ишчи ва ходимлари (саломатлиги бўйича қарши кўрсатма бўлган ходимлари бундан мустасно) коронавирусга қарши вакцинанинг (туридан қатъи назар) камида 2 та дозаси билан эмланганлиги тўғрисидаги сертификати бўлган тақдирда, уларга нисбатан соат 8:00 дан 20:00 гача ҳамда фақат очиқ ҳавода фаолият кўрсатиши билан боғлиқ карантин чекловлари татбиқ этилмаслиги белгиланди.

Бунда умумий овқатланиш объектларига коронавирусга қарши вакцина билан эмланганлиги тўғрисидаги QR-коди ёки сертификати мавжуд бўлган ташриф буюрувчиларни киритиш тавсия этилади (саломатлиги бўйича қарши кўрсатма бўлганлар бундан мустасно).

❗️Демак, ходимлари камида 2 та доза вакцина олган кафе ва ресторанлардан 2 та тақиқ олиб ташланади:

1) улар соат 20:00 дан кейин ҳам ишлай олишади;

2) улар ёпиқ жойда ҳам ишлай олишади (куннинг ҳар қайси қисмида).

👉 @xushnudbek 👈