Ижодий имтиҳони тестга ўзгарган абитуриентлар учун маълумот
Xushnudbek.uzMatn2 daqiqa0tahrirlanganИжодий имтиҳони тестга ўзгарган абитуриентлар диққатига!
Ижодий имтиҳони тестга алмашган кўпчилик абитуриентлар мурожаат қилиб, abitur.dtm.uz сайти орқали қўшимча йўналишларни танлаш функцияси ишламаётганини, хатолик чиқаётганини айтишди.
ДТМ расмий вакили билан боғланиб, ушбу ҳолатга аниқлик киритдик. Маълум бўлишича, Давлат қабул комиссияси қарори кеча эълон қилинганлиги учун сайтдаги техник ишларга бироз муддат талаб қилмоқда. Ҳозирда абитуриентларга ушбу имкониятни бериш учун барча чоралар кўрилмоқда.
Қўшимча йўналиш танлаш имконияти эртага тўлиқ тайёр бўлади ва ишга тушади. Шунингдек, бу ҳақда ижодий + тест имтиҳони бор йўналишларга ҳужжат топширган барча абитуриентларга SMS-хабар юборилади.
‼️Шу сабабли ушбу йўналишга топширганлар қўшимча йўналиш танлаш учун шахсий кабинетлари орқали эртага уриниб кўришлари мақсадга мувофиқ. Эслатиб ўтамиз, қўшимча йўналишларни танлаш учун 16 август соат 23:59 гача вақт белгиланган.
☝️Таклиф: техник сабаблар туфайли ушбу имконият кечроқ берилгани ҳисобига дедлайнни ҳам 1 кунга суриб бериш керак, яъни 17 август 23:59 гача қилиб ўзгартирилса, яхши бўларди.
❓Кўпчилик сўраган саволларга жавоблар:
✅ журналистикага ҳужжат топширганлар тест фанлари бир хил бўлгани ҳисобига журналистиканинг бошқа йўналишларини танлаши мумкин, масалан интернет журналистикасини танлаганлар телерадио журналистикаси, халқаро журналистика ёки спорт журналистикасини ҳам қўшиб танлаши мумкин. Шунингдек ушбу йўналишдагилар ноширлик иши йўналишини ҳам танлай олади;
❇️ архитектурага топширганлар архитектура ёдгорликлари реконструкцияси йўналишини танлай олади ёки аксинча. Шунингдек ушбу йўналишдагилар социология ҳамда кутубхона-ахборот фаолияти йўналишини ҳам танлаши мумкин;
✳️ диншунослик йўналишига топширганлар исломшунослик йўналишини танлай олади ёки аксинча. Ушбу йўналишдаги фанлар мажмуасига мос келадиган бошқа йўналишлар йўқ;
❌ қўшимча йўналиш танлаш пайтида йўналишни ўзгартириб бўлмайди, яъни масалан журналистикага топширганлар молияга ўтказа олмайди. Улар фақат журналистикага тўғри келадиган бошқа йўналишларни қўша олади холос;
⛔️ қўшимча йўналиш танлаш пайтида таълим шаклини ўзгартириб бўлмайди, яъни кундузгига топширганлар сиртқига ўтказа олмайди ва ҳ.к.;
🚫 қўшимча йўналиш танлаш пайтида тилни ўзгартириб бўлмайди, яъни ўзбек тилига топширганлар қорақалпоқ ёки рус тилига ўзгартира олмайди.
👉 @xushnudbek 👈