Эртага ОТМларга қабулнинг охирги куни

❗️Эртага қабулнинг охирги куни! Ҳозиргача 1 миллиондан ошиқ абитуриент ҳужжат топширди

Эртага, 27 июль куни соат 23:59 да қабул ёпилади. Шу вақтдан бошлаб, йўналиш танлаш, танланган йўналишларни бошқасига ўзгартириш имкони бўлмайди.

Шу сабабли ҳозирдан ҳаракатингизни қилинг. Ҳали бир қарорга келмаган бўлсангиз, қаерга топширишни тезроқ ҳал қилинг. Кўпчиликка теккан касал — ҳаммасини оооохирига тақаб оборади ва сўнгги соатларда одам кўплигидан кутилмаган айрим техник носозликлар чиқиб қолади. Ҳозир ДТМ сайти бир маромда ишлаб турибди, шу сабабли яхшиси бугун топшириб, тўловни ҳам бугуннинг ўзида қилиб қўйинг.

ДТМ маълумотларига кўра, 25 июль соат 18:00 ҳолатига рўйхатдан ўтган ва йўналиш танлаган абитуриентлар сони 1 млн 71 минг нафарни ташкил қилмоқда. 26 ва 27 июль кунлари ҳисобига ҳали бу рақам янада ортиши мумкин. Ўтган йили жами 948 минг 211 нафар абитуриент ҳужжат топширганди. Демак, жорий йилда абитуриентлар сони ўтган йилгига қараганда 200 мингдан кўпроқ бўлса керак.

👉 @xushnudbek 👈