Сиртқи ва кечки таълимда супер-контракт тартиби

Энг кўп берилаётган саволлар:

1) Махсус сиртқи, кечки ва сиртқи йўналишларда ҳам супер-контракт борми?

2) Худди шу таълим шаклларида супер-мупер контракт (56,7 дан кам балл тўплаганлар учун) борми?

3) Худди шу таълим шаклларида супер-контракт нархлари қанча? Кундузги билан бир хилми?

4) Худди шу йўналишлар учун супер-контракт арзонроқ жойга «перевод» қилиш тартиби амал қиладими?

ЖАВОБЛАР: Афсуски ушбу саволларнинг бирортасига менда аниқ ва расмий жавоб йўқ. Лекин тахминий жавоблар қуйидагича:

1) Ушбу таълим шаклларида ҳам супер-контракт бор. Чунки Давлат қабул комиссиясининг 5-сон баённомасини кўрар эканмиз, унда супер-контрактлар айнан кунлузги таълим шакли учун амал қилиши белгиланмаган, балки умумий “абитуриентлар” дейилган.

Демак, махсус сиртқи, кечки ва сиртқи таълим шаклларида ҳам супер-контракт тартиби мавжуд.

Супер-контракт ҳақида батафсил маълумот:
https://t.me/xushnudbek/751

2) Бу саволга жавобни ҳам Давлат қабул комиссиясининг баённомасидан қидирамиз. 6-сон баённоманинг 4-бандида 56,7 баллдан кам балл тўплаган, ўқиш истагини билдирган абитуриентлар учун оширилган тўлов-контракт миқдорининг 2 баробари этиб белгиланган. Бу ерда ҳам айнан таълим шакли ҳақида чеклов йўқ, умумий айтилган.

Демак, махсус сиртқи, кечки ва сиртқи таълим шаклларида ҳам супер-мупер контракт тартиби мавжуд.

Супер-мупер контракт ҳақида батафсил маълумот:
https://t.me/xushnudbek/847

3) Супер-контракт миқдорида ҳам таълим шаклига чеклов назарда тутилмаган.

Демак, махсус сиртқи, кечки ва сиртқи таълим шаклларида ҳам супер-контракт миқдори кундузги билан бир хил.

Барча йўналишлар учун супер-контракт нархлари:
https://t.me/xushnudbek/826

4) Яна ўша баённомада қуйидагича банд мавжуд:
“тест синовлари натижаси бўйича етарли балл тўпламаган ва оширилган тўлов-контракт асосида ўқиш истагини билдирган абитуриентлар учун оширилган тўлов-контрактнинг миқдори (баробари) кам бўлган таълим йўналишини танлаш имконияти берилсин.”
Кўриб турганингиздек, бу ерда ҳам умумий айтилган.

Демак, махсус сиртқи, кечки ва сиртқи таълим шаклларида ҳам супер-контракт арзонроқ жойга «перевод» қилиш тартиби амал қилади.

Арзон жойга «перевод» қилиш ҳақида батафсил маълумот:
https://t.me/xushnudbek/874

❗️Яна бир бор эслатаман, мазкур жавоблар расмий маълумот сифатида талқин этилмайди. Булар менинг шахсий фикрларим холос. Расмий изоҳни эса мутасадди ташкилотлардан кутиб қоламиз.

Каналга уланиш: 👇
https://t.me/xushnudbek