Чироқчидаги ер низоси сабаблари ўрганилди

Kun.uz Чироқчида ер устида бўлаётган жанжал сабабларини батафсил ўрганибди.

“Мавжуд вазиятда узоқ қишлоқдаги қир ва адирларда жойлашган лалми ерларнинг биргина фермерга бириктирилгани бизга қонуний, лекин адолатсизликдек туюлди.

Ўзингиз ўйланг: қишлоқ аҳли, айниқса ёшлар ерда ишлай деса – ер бировнинг қўлида. Эгаси ишлатгани қўймайди. Билаги кучга тўла ёшлар эса ишсизликдан Россияга бормоқда. Ҳозир кўплари у ердан ҳам ишнинг путури кетиб, қайтиб келишган. Маҳаллада ижтимоий таранглик вужудга келган. Буни шу маҳаллада яшовчи онахонлар ҳам таъкидлашди. Улар фарзандлари меҳнат қилиши учун давлат ерни тақсимлаб беришини исташади”, деб ёзади мухбир.

Бу борада 76 ёшли Даврон Чўқморов ўз фикрларини билдирди. Нуроний отахонга кўра, фермер хўжаликларини оптималлаштириш ниқоби остида катта ер эгаларига айланган фермерлар бугунги кунга келиб, ўз таркибига киришга мажбур бўлган кичик фермерлар ҳуқуқларини оёқости қилмоқда.

«Бу қишлоқда ҳали-бери жанжал тугамайди. Токи кичик фермерларга ҳам ер бўлиб берилиб, қўлига муҳр берилмас экан», — деди Д.Чўқморов.

Видеони кўриш:
https://youtu.be/wVWAxUeO_10

Мақолани ўқиш:
https://kun.uz/12660636

👉 @xushnudbek 👈