Бунёд Баҳромбеков жамғарма ижрочи директори этиб тайинланди
Бунёд Баҳромбеков “Yoshlar – kelajagimiz” жамғармасининг ижрочи директори этиб тайинланди.
Маълумки, мазкур жамғарма 2018 йил 27 июндаги Президент фармони асосида ташкил этилган эди.
Айтиш жоизки, Фармоннинг 7-бандига биноан “Yoshlar – kelajagimiz” жамғармасига Ўзбекистон ёшлар иттифоқи Марказий кенгаши раисининг биринчи ўринбосари раҳбарлик қилади. Демак, Бунёд Баҳромбеков Ёшлар иттифоқи раисининг биринчи ўринбосари лавозимига ҳам тайинланган. Бу ҳақида, бугунги Халқаро пресс-клубнинг сессиясида ҳам эълон қилинди.
Шу пайтгача Ёшлар иттифоқи раисининг биринчи ўринбосари лавозимида Одил Таджиев ишлаб келаётган эди. Бундан кейин Ёшлар иттифоқида иккита биринчи ўринбосар ишлайдими ёки структурада бошқача ўзгариш бўладими, ҳозирча аниқ маълумот олишнинг имкони бўлмади.
Маълумот учун, Бунёд Баҳромбеков бунгача Бош прокуратурада фаолият олиб борар эди.
Каналга уланиш: 👇
https://t.me/joinchat/AAAAAEe1KDC7Hm03UPVooQ
