Özbekistonga kirib-çiqiş tartibiga özgartiriş kiritildi

Respublika maxsus komissiyasi qaroriga binoan, 2020-yil 1-oktabrdan mavjud karantin va sanitariya-gigiyena talablariga qatʼiy rioya etgan holda Özbekiston Respublikasiga aviatsiya, temir yöl va avtoyöl ötkaziş punktlari orqali kirib-çiqişga ruxsat berildi.

Bunga qadar xalqaro turizmni taşkil etişga nisbatan qöllanilgan çeklovlar bekor qilindi.

Sönggi 14 kun davomida:

🟢 “yaşil” davlatda (Xitoy, Tayland, Malayziya, Janubiy Koreya, Gruziya, Vengriya, Finlyandiya, Latviya, Avstriya va Yaponiya) bölib turgan şaxslar – Özbekiston hududiga töğridan-töğri kiritiladi;

🟡 “sariq” davlatdan (Ozarbayjon, Belarus, BAA va Yevropa Ittifoqi davlatlari (Buyuk Britaniya va Ispaniya bundan mustasno) hamda 🔴 “qizil” davlatlardan (qolgan barça davlatlar) kirib kelayotgan şaxslar – sönggi 72 soat davomidagi koronavirus infeksiyasiga PZR test tekşiruvining manfiy natijalari töğrisida maʼlumotnoma taqdim etgan holda Özbekiston hududiga kiritiladi.

🚙 Joriy yilning 1-oktabridan boşlab Qozoğiston, Turkmaniston, Tojikiston hamda Afğoniston bilan çegarada joylaşgan avtoyöl ötkaziş punktlari orqali Özbekistonga kirayotgan şaxslar sanitariya qoidalariga va normalariga qatʼiy rioya etgan hamda koronavirus infeksiyasiga PZR yoki ekspress-test yoki antigen tekşiruvidan ötgan holda 14 kunga mehmonxona yoki uy karantiniga yuboriladi.

👉 @xushnudbek 👈