Ўзбекистон Миллий ахборот агентлиги 30 ёшга тўлди

ЎзА 30 ёшга тўлди!

Бугун Ўзбекистон Миллий ахборот агентлиги ташкил этилганига 30 йил тўлди. Аслида агентлик тарихи 1918 йилга бориб тақалади. 1992 йил 5 февралдаги Президент Фармонига асосан Ўзбекистон Ахборот агентлиги (ЎзТАГ) — Ўзбекистон Миллий ахборот агентлиги (ЎзА)га айлантирилган эди.

Ахборот соҳасидаги отахон агентлик 100 йилдан буён юртимизнинг ижтимоий-сиёсий ҳаётини тезкорлик билан ёритиб келмоқда ва давлатнинг расмий "тили" сифатида ўз фаолиятини олиб бормоқда.

ЎзАда мақтаниб бўлмайдиган шароит ва катта бўлмаган ойлик эвазига сабр ва фидойилик билан ишлаётган 200 кишилик катта жамоа бор.

Фурсатдан фойдаланиб, ушбу катта жамоани, ЎзАда бунгача ишлаган барча устозлар ва журналистларни 30 йиллик юбилей билан чин қалбдан табриклайман!

Умид қиламанки, ЎзА ҳар томонлама ривожланади, сифати янада ошади, узоқ йиллар халқимизга чинакамига фойдаси тегадиган, соғлом ахборот маконида ўзининг мустаҳкам ўрнига эга бўлган Агентлик бўлиб қолаверади.

👉 @xushnudbek 👈