Шавкат Мирзиёев Ислом Каримов хотирасини ёд этди

Шавкат Мирзиёев бугун Самарқандга ташриф буюрди. Президент матбуот хизматининг хабар беришича, давлатимиз раҳбари мамлакатимизнинг Биринчи Президенти Ислом Каримов қабрига гул қўйиб, унинг хотирасига ҳурмат бажо келтирди. Қуръон тиловат этилиб, марҳумнинг ҳақига дуо қилинди.

Нуронийлар, уламолар билан суҳбатда Ислом Каримовнинг халқимиз, давлатимиз манфаати йўлидаги хизматлари, инсоний фазилатлари ёдга олинди.