Kontrakt to‘lovi uchun soliq imtiyozini olish tartibi
Контракт нақд пул, пластик карта ёки банк кредити орқали тўланган бўлса солиқ имтиёзи қандай олинади?
Аввалроқ Солиқ кодексининг 378-моддаси 16-бандига биноан, ўзининг, 26 ёшга тўлмаган фарзандларининг ёки эрининг (хотинининг) тўлов-контракти тўланганда солиқ имтиёзи берилиши ҳақида ёзгандим.
❓Шу хабардан сўнг кўпчилик контракт тўлови иш ҳақидан ўтказилмаган ҳолларда, масалан нақд пул, пластик карта ёки банк кредитлари орқали тўланганда имтиёзни қандай олиш мумкин, деб савол берди.
Ҳозир шу ҳақда гаплашамиз.
Бундай ҳолларда солиқ имтиёзи жисмоний шахснинг жами йиллик даромади тўғрисидаги декларациясини солиқ хизмати органларига топширган ҳолда олиниши мумкин. Бу ҳолатда яшаш жойидаги солиқ органига:
✅ талаба ва ОТМ ўртасидаги шартнома (контракт) нусхаси;
✅ банк, ОТМ ва талаба ўртасида тузилган уч томонлама шартнома нусхаси (таълим кредит орқали тўланган бўлса);
✅ ОТМ ҳисоб рақамига пул ўтказилганлигини тасдиқловчи ҳужжат нусхаси;
✅ талабанинг паспорт нусхаси;
✅ солиқ имтиёзи ота-она (эр ёки хотин)га қўлланилганда уларнинг паспорт нусхасидан ташқари туғилганлик ва никоҳ тўғрисидаги гувоҳномалар нусхалари тақдим этилиши лозим.
Имтиёз доирасида ҳисоблаб чиқарилган сумма солиқ органи томонидан фуқарога (имтиёз олувчига) тўлаб берилади. Имтиёз олувчининг истагига кўра бу сумма унинг бошқа турдаги солиқларини қоплашга йўналтирилиши ҳам мумкин.
👉 @xushnudbek 👈
