Qiziq holat: Janubiy Koreya guruhda 1-örinni olmaslikka harakat qilişi mumkin
⚽️Qiziq holat: Janubiy Koreya guruhda 1-örinni olmaslikka harakat qilişi mumkin
Bugun Osiyo kubogida guruh bahslari töliq yakunlanadi va nimçorak final juftliklari maʼlum böladi. Birozdan söng, aniqroği soat 16:30 da “E” guruhining 3-tur öyinlari boşlanadi.
Turnir favoritlaridan biri 🇯🇵Yaponiya öz guruhida 2-örinni egallagani sababli, turnirda qiziq vaziyat yuzaga kelmoqda. Agar 🇰🇷Janubiy Koreya guruhda 1-örinni egallasa, unda nimçorak finalda Yaponiyaga qarşi maydonga tuşadi. Bu ham kamdek, mabodo yaponlarni yutsa, çorak finalda 🇮🇷Eronga töğri kelişi mumkin. Bu albatta, koreyslar uçun öta murakkab yöl.
Şu sababli bugun Janubiy Koreya durang öynaşga harakat qilişi mumkin. Agar istalgan hisobda durang öynasa (eng osoni 0:0, albatta), ular 100% guruhda 2-örinni oladi va “F” guruhi ğolibi (katta ehtimol bilan 🇸🇦Saudiya Arabistoni) bilan öynaydi. Agar yutsa, unda çorak finalda 🇦🇺Avstraliya bilan öynaşi mumkin.
Lekin undan ham qiziği, guruhda 3-örinni oliş koreyslarga yana ham osonroq yölni taʼminlaydi. J.Koreya bugun 10:0 ga yutqazsa ham guruhda qolib ketmasligi aniq. Şu sababli ular tavakkal qilib bugun yutqazsa va 3-örinni olişsa (buning uçun narigi öyinda 🇧🇭Bahrayn yutişi kerak, 🇯🇴Iordaniya Yaponiyaga tuşmaslik uçun atayin yutqazişi heç gap emas), unda Koreya nimçorak finalda yoki 🇶🇦Qatar, yoki 🇮🇶Iroq bilan öynaydi. Agar koreyslar ikkala holatda ham çorak finalga çiqsa, yoki 🇺🇿Özbekiston, yoki 🇦🇪BAA bilan öynaşi mumkin. Yaʼni Janubiy Koreya bugun guruhda 3-örinni olsa, yarim finalga qadar Yaponiya, Eron, Avstraliya va Saudiya bilan tuşmasligi aniq böladi.
Ajoyib-a? 1-örin eng yomoni, 2-örin örtaça, 3-örin esa ança yaxşi holatni beradi.
Köramiz, nima bölarkin. Aytgança, bugun keçqurun Özbekiston raqibi ham maʼlum böladi. Biz “F” guruhida 2-örinni olgan jamoa bilan öynaymiz.
👉 @xushnudbek 👈
