Endi magistratura va doktoranturaga kiriş uçun çet tili sertifikati kerak emasmi?

❓ Endi magistratura va doktoranturaga kiriş uçun çet tili sertifikati kerak emasmi?
#abituriyent

✅ Qisqa javob: kerak, sertifikat bekor bölgani yöq.

🔻Batafsil javob: Keça ijtimoiy tarmoqlarda şu haqida postlar tarqalgandan söng, savollar köpaydi. Şunga izoh bermoqçiman.

2025-yil 19-iyuldagi PF-114-sonli Prezident farmoni bilan bir qator hujjatlarga özgarişlar kiritildi va ayrimlari töliq öz kuçini yöqotdi. Masalan, uşbu farmon bilan maktab öquvçilarining oxirgi 6 yillik örtaça bahosi test baliga qöşilişi bekor bölgani haqida yozgandim.

Uşbu farmonda 2021-yil 19-maydagi PQ-5117-sonli Prezident qarorining 6-bandning törtinçi xatboşisi çiqarib taşlanişi ham belgilangan. Uşbu xatboşida şunday deyilgan edi:

2022/2023 öquv yilidan boşlab oliy taʼlim muassasalarining magistratura mutaxassisliklariga hamda oliy taʼlimdan keyingi taʼlim ixtisosliklariga tanlovlarda milliy yoki unga mos darajadagi xalqaro sertifikatga ega şaxslar iştirok etişi tartibi joriy etilsin. Bunda, filologiya yönalişlari böyiça kamida C1 darajadagi milliy yoki unga mos darajadagi xalqaro sertifikat, nofilologik yönalişlari böyiça esa B2 darajadagi milliy yoki unga mos darajadagi xalqaro sertifikat talab etilişi nazarda tutilsin.

Mana şu band çiqarib taşlandi, yaʼni öz kuçini yöqotdi. Lekin bu sertifikatlar bekor bölganini anglatmaydi. Şunçaki 2021-yildagi mazkur qoidaning özi eskirgan edi. Ötgan 2024-yilda magistratura va doktoranturaga xorijiy til biliş darajasining yangi qoidasi belgilangan.

2024-yil 24-maydagi PF-81-sonli Prezident farmonida quyidagi yangi talablar belgilangan:

4. Belgilansinki, magistratura mutaxassisliklari va oliy taʼlimdan keyingi taʼlim ixtisosliklariga qabul qilişda xorijiy tilni biliş darajasini belgilovçi milliy yoki xalqaro sertifikatlar quyidagi darajalarda talab etiladi:
xorijiy tillar yönalişlari böyiça —

kamida C1 darajasida;

gumanitar, biologik va turdoş fanlar, matematika va statistika, biznes va boşqaruv, huquq, xizmat körsatiş, ijtimoiy va xulq-atvorga mansub fanlar, jurnalistika va axborot, axborot-kommunikatsiya texnologiyalari taʼlim sohalari böyiça —

kamida B2 darajasida;

boşqa taʼlim sohalari hamda madaniyat va sport mutaxassisliklari (ixtisosliklari) böyiça —

kamida B1 darajasida.

Körib turganingizdek, yangi qoidalarda B1 darajaga ham ruxsat berilgandi.

❗️XULOSA: 2021-yildagi qarordan sertifikatga oid xatboşining çiqarib taşlanganiga asosiy sabab, uşbu qoidalar eskirgani va amalda emasligi edi. Magistratura va doktoranturaga til biliş darajasining yangi qoidalari 2024-yildagi qaror bilan belgilangan va u öz kuçida turibdi.

Heç qanaqa sertifikat bekor bölmadi, barvaqt xursand bölganlardan uzr sörayman😉

👉 @xushnudbek 👈