Депутатлар пропискага оид қонун лойиҳасини қабул қилди

Депутатлар пропискага оид ўзгартиришлар ҳақидаги қонунни қабул қилди

Олий Мажлис Қонунчилик палатасининг навбатдаги ялпи мажлисида “Тошкент шаҳри ва Тошкент вилоятида доимий прописка қилиниши лозим бўлган шахслар — Ўзбекистон Республикаси фуқаролари тоифаларининг рўйхати тўғрисида”ги Қонунга ўзгартиш ва қўшимчалар киритиш ҳақида”ги қонун лойиҳаси биринчи ўқишда қабул қилинибди.

Қабул қилинган ўзгаришларга кўра, Президент Фармонида назарда тутилган пропискага оид айрим қоидалар қонунга киритилди (айрим деганимизнинг сабаби, қолган ўзгаришлар Вазирлар Маҳкамаси қарорида акс этади).

Шунингдек, депутатлар “Давлат божи тўғрисида”ги Қонунга ўзгартиш ва қўшимчалар киритиш ҳақида”ги қонун лойиҳаси биринчи ўқишда қабул қилди.

Унга кўра, Тошкентда доимий пропискаси бўлмаган шахслар янги қурилган уйлардан уй сотиб олгани учун тўланадиган давлат божининг алоҳида юқори ставкаси бекор қилинмоқда.

Маълумот учун: ҳозирча бу қонун лойиҳалари фақат биринчи ўқишда қабул қилинди. Қонун тўлақонли кучга кириши учун, аввал Қонунчилик палатаси узил-кесил қонунни қабул қилиб, ундан кейин сенаторлар маъқуллаб, ундан кейин Президент имзолаши ва кейин расман эълон қилиниши керак. Шу сабабли прорискага оид ўзгаришлар расман кучга кириши учун бироз кутиш керак. Қирқига чидаган, қирқ бирига ҳам чидаб турамизда.

👉 @xushnudbek 👈