Академик лицейларда анъанавий дарслар 15 октябрдан бошланади

Академик лицейларда жорий йил 15 октябрдан анъанавий дарслар бошланади

Бу ҳақда Олий ва ўрта махсус таълим вазирлиги хабар берди.

Янги ўқув йилини анъанавий тарзда бошлашга тайёр бўлган академик лицейларда ўқув жараёнини бошлаш масаласи туман (шаҳар) халқ депутатлари кенгаши муҳокамасидан ўтказилади.

Ота-оналарнинг фикрини ўрганиш бўйича сўровномалар ҳам ўтказилади.

Таълим муассасасига ўқувчиларнинг анъанавий тарзда келиб ўқишлари мажбурий ҳисобланмайди.

Карантин талабларидан келиб чиқиб, таълим муассасаларида ўқувчилар турар жойлари ҳамда ошхона/буфетлар фаолият юритмайди.

👉 @xushnudbek 👈